كلمه فى نفسى

الأحد أغسطس 28, 2011 10:37 am

بتمر سنه ورا سنه وكل سنه برجعلك يا مصر
نفس العيون نفس الملامح نفس الضحكه الصافيه
نفس الامل فى نفس العنين
انا مش كاتبه ولا شاعره بس جوايا كلمه حيرانه
كل ما ارجع بلاقيكى احلى واحلى
امبارح حلو وبكره احلى وبعده احلى
عمرك شفت شعب فى عز حزنه بيضحك
دى شارع مدرستى حافظته كل حته فيه
فاكره ناسه فاكر بيوته
حتى كل طوبه عارفه فين مكانه
نفس ريحه بلدنا هيا هيا
نفس الطيبه نفس الضحكه
ناس راحت وناست جديده جايه
واللى لسه عايش ملامحه اتغيرت بس لسه
جواه روح الفراعنه
يمكن عجز يمكن خرف بس جوه قلبه لسه صغير
لو ركبت مواصله الف نكته والف ضحكه
ووقت الفرح الف زغرطه والف رقصه
دا اعمامى وخلانى شكلهم اتغيروا
بس جواهم مصر عايشه عمرها ما اتغيرت
لما بمشى فى غيطان بلدنا بشم ريحه ارض بلدنا
دمعتى بتنزل يوم ما اسيب البلاد دى
بيقولو بتمثل بيقولو بتغنى
بس ميعرفوش ان بلدنا غير اى بلد
بتوحشينى يامصر
ملامحك اتغيرت ووولادك كتير ماتو
بس هتفضلى زى ما انتى يا مصر
وقت رحيلى قرب وهسيبك قريب
بس هرجعلك وافضل فيك
واقولك من قلبى
وحشتينى يا مصر
بحبك يا مصر

ب

الأحد أغسطس 28, 2011 8:46 pm

هيا فين مصر دى ما خلاص

الثلاثاء أغسطس 30, 2011 6:17 pm

ااااااااااايه ده خلي بالك

اوعه تقول كده تانى مصر زى ما هيا مصر احسن بلد فى الدنيا وان شاء الله كل حاجه هترجع زى ما كانت زى الاول واحسن طول ما فى ربنا حمى البلد دى
farao

مصررررررررررررررررررررررر حببتى

الجمعة سبتمبر 02, 2011 5:58 am

كلام جميل

فعلا ميحسش بمصر الا اللى بعيد عن مصر

اقسم بالله اما نزلت مصر قريب بعد سفر

والله والله كنت ماسك نفسى انى اوطى ابوس تراب الارض

احلى بلد فى الدنيا مصر

وحبيب حبيبى حبيبى

ياحبيبتى يامصر

الأحد سبتمبر 04, 2011 1:04 am

لك السلامة يا مصر في كل وقت وحـــــــــــــــــــــــــــــــــــــــــــــــــــــــــــــــــين

لك السلامة يا مصر يا مقبرة المعتــــــــــــــــــــــــــــــــــــــــــــــــــــــــــــــــدين

لك السلامة يا مصر يا قلب العرب اجمعـــــــــــــــــــــــــــــــــــــــــــــــــــــــــــــين

لك السلامة يا مصر يا من حفظها الرحمن رب العالمــــــــــــــــــــــــــــــــــــــــــين

لك السلامة يا مصر يا ارض الكرم والشهامة ومهبط المرسلــــــــــــــــــــــــــــــــين

الأحد سبتمبر 04, 2011 6:52 am

السلام عليكم ورحمه الله وبركاته

بشكر كل اللى رد على الموضوع

بوبو كلامك مش حقيقى مين قال مصر خلاص
لو مصر خلاص مكنتش قامت ثوره
مكنش فى جمعيه رساله للخير وغيرها كتير
مكنش يبقى فى حمله مصر جنه والالاف الحملات غيرها
مكنش فى راديو بجد بصوت الشباب
مصر لسه فى عز شبابها
لو مصر خلاص مكنش هيبقى فى جمعيات بتحاول تغير الوضع
مكنش فى شباب بنزل يجمل مصر وينظف جوها زى مصر جنه
مكنش حد مات فى الميدان
مكنش لسه بنكتب كلمه من جوانا فى منتدى او جريده
اوعلى يافظه بتهتف فى ميدان او بصوت حى فى اذاعه شبابيه

خنثاء بشكرك على ردك وعلى مساهمتك
كلنا بنحب مصر يمكن بنزهق منها بخنقنا
بس منقدرش نيش من غيرها وكل اللى نقدر نعمله
نلومها ونعاتبها بس هنفضل نحبها

وسيم انا مؤيده ليك بجد
ميعرفش قيمتها الا اللى بعيد عنها
اللى بيشتاق يشوف نور فانوس فى شهر رمضان فى الشوارع
اللى بيحن لضحه وهزار الشباب فى الملاعب والمباريات
اللى بيشتاق للمه الصحاب يوم الجمعه فى الجامع
اكيد مصر غير اى بلد فى الدنيا

نورتوا الموضوع
حقيقى ردود متوقعتهاش اكتر ما توقعت نقد للموضوع

كلمه فى نفسى

كلمه فى نفسى

رد: كلمه فى نفسى

رد: كلمه فى نفسى

رد: كلمه فى نفسى

رد: كلمه فى نفسى

رد: كلمه فى نفسى