30 يوم ... 30 جزء

قال النبي , صلى الله عليه وسلم "الماهر بالقرآن مع السفرة الكرام البررة , والذي يقرأ القرآن ويتعتع فيه وهو عليه شاق له أجران "

كما يقول صلى الله عليه وسلم : "اقرءوا القرآن فإنه يأتي شفيعا لأهله يوم القيامة "

وقوله , صلى الله عليه وسلم : "إن الله يرفع بهذا الكتاب أقواما "

وقوله , صلى الله عليه وسلم : "خيركم من تعلّم القرآن وعلمه "

الأول كل سنة وانتم طيبين

ويارب يجعل الايام كلها خير علينا وعليكوا

هدخل في الموضوع على طول باختصار

رمضان ان شاء الله 30 يوم .. او 29 يوم على الاقل

والقرآن 30 جزء

كل جزء فيه تقريبا 11 ورقة

عاوزين ان شاء الله نساعد بعضنا كلنا اننا نختمه السنادي باذن الله

يمكن في ناس كتيرة الحمدلله ختمته قبل كدة

بس في ناس لا بردو

عشان كدة هنساعد بعض

ونعاهد بعض بجد بنية خالصة لله

عشان مش حد يقول رياء

احنا كلنا بنقعد على المنتدى كل يوم تقريبا وعلى النت

ونتشغل وتضيع ساعات

عشان كدة كل يوم قبل ما تقعد على المنتدى

تمسك مصحفك وتقرا العشر صفحات

مش شرط على طول قبل ما تقعد لا براحتنا خالص

يعني ممكن بعد السحور قبله المهم

ان كل يوم مش تفتح جهازك الا وانت مخلص قراية الجزء

وبعدها تيجي تقولنا انك قريته ولو مش قريته تقولنا بردو

بس هنستنا انك ترجع وتقول قريته وخلصته

بجد بسهولة اوي هنلاقي نفسنا ان شاء الله ختمناه

والله ياجماعة نيتي في الموضوع دة التشجيع

عشان كتير مننا بيقول بعدين .. شوية وهقوم ويضيع الوقت

وننسى ويتراكم علينا اجزاء ونستصعبه

30 يوم ... 30 جزء 7

وبعدين حرام يضيع علينا ثواب زي دة .. بجد بجد دي اسهل حاجة ممكن نعملها

في رمضان ونكسب ثوابها

قال صلى الله عليه وسلم: "
من قرأ حرفا من كتاب الله ‏ فله به حسنة والحسنة بعشر أمثالها ‏‏ لا أقول
‏ الم ‏‏ حرف ‏ ولكن ‏‏ ألف حرف ‏ ولام ‏‏حرف ‏ وميم ‏‏ حرف" صدق رسول
الله ...

خلاص اتفقنا

شكلي طولت عليكم .. معلش بقى

ربنا يتقبل مننا كلنا صيامنا

ويعود علينا الايام بالخير

30 يوم ... 30 جزء

30 يوم ... 30 جزء

تعاليق